ВИДЕО Реал во луд натпревар по продолженија обезбеди финале на Кралскиот куп

Фудбалерите на Реал Мадрид обезбедија место во финалето на Кралскиот куп. Актуелните европски клубски шампиони во полуфиналето израмнија по 120 минути игра со резултат 4:4 против Реал Сосиедад и благодарение на победата од 1:0 во првиот натпревар поминаа во финалето. Таму чекаат на победникот од дуелот помеѓу Атлетико Мадрид и Барселона.

Сосиедад водеше веќе во 16. минута. Не беше потребно многу време на Реал Мадрид да израмни, што се случи 14 минути подоцна. Винисиус Жуниор од својата половина пушти прекрасна топка во простор за Ендрик, а Бразилецот излезе сам пред голманот и го лобува за 1:1.

Спектакуларна завршница на регуларниот дел

Мрежите мируваа до 72. минута, а потоа во следниве 25 минути беа постигнати пет гола. Најпрво, Пабло Марин мина по десната страна на шеснаесетникот на Реал и се обиде да додаде на соиграчот, но таа топка ја испрати во сопствената мрежа Давид Алаба. Само осум минути подоцна, повторно топката одби од Алаба во голот на Реал. Микел Ојарсабал шутираше од 13–14 метри, а австријскиот репрезентативец во обид да блокира го изненади својот голман.

Реал Сосиедад во тој момент имаше пласман во финалето, но тоа траеше само две минути. Винисиус во 82. минута продре по левата страна и центрираше за Џуд Белингем, кој одблизу намали на 2:3. Само четири минути подоцна Реал го анулира водството. Родриго изведе корнер, а Орелиен Чуамени со глава израмни на 3:3, и ја врати вкупната предност на 4:3.

Се чинеше дека тој гол ги уништи гостите, но тие успеаја уште еднаш да постигнат гол. Такефуса Кубо изнуди прекршок од Едуардо Камавинга и слободен удар од десната страна. Серхио Гомез центрираше, а таму највисок беше Ојарсабал, кој со глава постигна гол за 3:4 и го однесе натпреварот во продолженија.

Рудигер постигна гол за финале

Во продолженијата подобри беа играчите на Реал Мадрид, но долго време немаше удари во рамките на голот.

Одлучувачкиот гол беше постигнат во 115. минута. Арда Гулер изведе корнер од десната страна, а Антонио Рудигер навремено скокна на топката и со глава постигна гол за конечните 4:4 и пласман во уште едно финале за тимот од Мадрид.