ФУДБАЛЕРИТЕ на Реал го забележаа својот прв успех на Светското клупско првенство. Во натпреварот од второто коло на групата H, мадридскиот тим го совлада мексиканскиот состав Пачука со резултат 3:1, освојувајќи го првото место во својата група. Головите ги постигнаа Белингем, Арда Ѓулер и Феде Валверде.
Натпреварот не започна најдобро за Шпанците. Веќе во седмата минута, дефанзивецот Раул Асенсио се најде сам со напаѓачот Саломон Рондон и го собори како последен човек во одбраната, што резултираше со црвен картон. Така, екипата на Чаби Алонсо мораше да игра со играч помалку до крајот.
Не се плашам од немање пари – FitKit, Coach Foods и претприемачкиот пат на Јосиф Дамјанов ↓↓↓
До паузата во 30-та минута, Реал не играше добро, а Пачука беше поактивниот тим. Но, по кратката пауза, во 35-та минута, на одлична акција по левата страна, Џуд Белингем ја искористи својата шанса и со прецизен удар во спротивниот агол го донесе водството за Реал. Голот може да го погледнете ОВДЕ.
Пачука продолжи да создава шанси, но во 43-та минута Реал повторно ја искористи својата можност. Со одлична акција, по додавањето на Гонзало Гарсија откако Трент Александар-Арнолд изведе центаршут, Ѓулер беше на вистинското место во средината и одблиску ја зголеми предноста за мадридскиот тим. Голот може да го проследите ОВДЕ.
Учество во игри на среќа е дозволено за лица со 18+ години. Играј одговорно!