Бразилецот Антони (24) продолжува да блеска откако пристигна во шпански Бетис. Во натпреварот од 24-тото коло на шпанската Ла Лига, Бетис на домашен терен со резултат 3:0 го победи Реал Сосиедад. Антони заработи пенал, постигна гол и асистираше. Неговата одлична статистика од пристигнувањето во Шпанија сега изнесува четири настапи, три гола и една асистенција.
Веќе вторпат ја понесе титулата играч на натпреварот откако го носи дресот на Бетис. Реал Сосиедад остана со играч помалку уште во 20-та минута кога директен црвен картон доби Игор Зубелдија. Во 33-та минута Џовани Ло Селсо не реализираше пенал што го изаработи Антони, но Бразилецот сам постигна гол во 51-та минута со фантастичен волеј.
🚨🇧🇷 ШТО ГОЛ ОД АНТОНИ СО РЕАЛ БЕТИС! 🤯pic.twitter.com/8MfshbaCGR
— Tekkers Foot (@tekkersfoot) February 16, 2025
Исхрана, повреди и тренинг – совети од доктор по спортска медицина | Уште еден поткаст
Во 64-та и 69-та минута два гола постигна Марк Рока, кој Мануел Пелегрини го внесе во игра на полувремето. Реал Сосиедад го заврши натпреварот со девет играчи бидејќи црвен картон доби и Шералдо Бекер.
Учество во игри на среќа е дозволено за лица со 18+ години. Играј одговорно!