Кошаркарите на Сан Антонио го остварија најдобриот старт на сезоната во историјата на клубот, откако на свој терен го совладаа Мајами со резултат 107:101 и стигнаа до резултат од 5:0.
Францускиот центар Виктор Вембањама беше најзаслужен за новиот триумф, со учинок од 27 поени, 18 скокови, шест асистенции и пет блокади. Публиката во Фрост Банк Центарот скандираше „MVP“ додека 21-годишниот го завршуваше мечот. Мајами во последната четвртина со серија од 17:1 успеа да ја поништи предноста на Спарс од 15 поени, но домашниот тим одговори со смирена игра во завршницата и го прекина низот од три победи на Хит.
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
Најефикасен во редовите на гостите беше Бем Адебајо со 31 поени и 10 скокови, додека Ендрју Вигинс додаде 24 поени. Мајами настапи без повредените Тајлер Хиро и Норман Пауел, а српскиот кошаркар Никола Јовиќ имаше само скок и асистенција за помалку од 10 минути колку што помина во игра.
Од друга страна, покрај Вембањама, се истакна и Стефон Касл со 21 поен, осум асистенции, шест скокови и четири украдени топки, додека Девин Васел додаде 17 поени.
Учество во игри на среќа е дозволено за лица со 18+ години. Играј одговорно!