Ужас: Боксер пронајден мртов по борба!

Полицијата од Аризона во моментов интензивно работи на решавање на мистериозната смрт на мексиканскиот боксер Педро Антонио “Тони” Родригез, кој беше пронајден без знаци на живот едно утро по својата борба.

Мексиканскиот борец во категоријата супебантам беше поразен од Филип Вела само неколку часа пред фаталниот исход, во сабота навечер на територијата на САД.

Триесет и седум годишниот борец од Дуранго претрпе пораз по одлуката на судиите по шесте рунди во сабота. Потоа, се врати во својата хотелска соба.

Родригез планирал да се види на вечера со другите учесници на програмата, но следната вечер не се појавил во просториите на хотелот.

Освен што изостанал од вечерата, пропуштил и превозот што требало да го однесе на аеродромот, поради што загрижените колеги побарале од хотелскиот персонал да реагира. Персоналот влегол во неговата соба и го пронашол мртов.

Полицијата веќе неколку дена го истражува случајот и сѐ уште немаат јасна претстава за што се работи. Во известувањето се вели дека „причините за неговата смрт се нејасни“.

„Ме повика по завршувањето на борбата. Дури и по сѐ, тој отпатува во хотелот и разговараше со мене преку видео повик. Не знам што се случи, дали е некој вид удар. Збунета сум и чекам официјалниот извештај“, изјави неговата сопруга Карла Валензуеа.

Меѓутоа, властите од Аризона сѐ уште не издале службен извештај за причините на смртта и нема утврдено врска со некаква тепачка или претходни здравствени проблеми.

Mexican heavyweight boxer Pedro Antonio Rodriguez, known as “Roca,” was found dead in his hotel room on the night of July 5–6, 2025, just hours after a professional fight in Arizona. The 33-year-old had called his wife after the match, saying he planned to go out for dinner, but… pic.twitter.com/leKlnNXUyQ

— Mimi Mefo Info (@MimiMefoInfo) July 8, 2025