Фановите на англискиот фудбал секогаш очекувале богат натпреварувачки ден на празникот Свети Стефан, попознат како Boxing Day. Но, оваа сезона ги очекува нешто што сосема не го предвидуваа. Првпат во историјата на Премиер лигата на 26 декември е закажан само еден натпревар – дуелот помеѓу Манчестер Јунајтед и Њукасл Јунајтед. Прекинувањето на долгогодишната традиција изненади многумина, имајќи предвид дека обично овој ден е посветен на цело коло натпревари.
Што доведе до оваа одлука?
Од Премиер лигата објаснија дека одлуката за само еден натпревар е донесена поради извонредно густ распоред и екстремни обврски кон договорите со телевизиските права. Во оваа година, 26 декември паѓа во петок, а лигата е обврзана да обезбеди 33 викенди за натпревари, со што единствениот достапен термин за тој ден е резервиран за средбата на Олд Трафорд. Сите останати натпревари од 18-тото коло во Премиер лигата се префрлаат на сабота и недела, 27 и 28 декември.
Ќе се врати ли традицијата во иднина?
Како екраните влијаат на детскиот развој? Разговор со дефектолог
Иако оваа ситуација го прекинува долготрајниот ритуал, раководството на лигата ги уверува навивачите дека станува збор за исклучок. Потврдија дека секогаш кога Boxing Day во иднина ќе биде во викенд ден, ќе се врати и богатиот распоред на натпревари. Тоа значи дека веќе следната сезона ќе се врати по старото, бидејќи 26 декември 2026 година паѓа во сабота.
Учество во игри на среќа е дозволено за лица со 18+ години. Играј одговорно!