Модриќ има причина за грижа во Лигата на шампионите, Реал Мадрид стравува

Реал Мадрид го продолжува својот поход за одбрана на Лигата на шампионите во вторник, кога ќе играат против Атлетико Мадрид, исклучително незгоден противник со кој натпреварите обично се многу напнати и предизвикуваат тензии. Сето ова претставува сериозна грижа за Лука Модриќ.

По повредата на Дани Себаљос, а останатите везисти не се во завидна форма, Карло Анчелоти нема многу избор освен да го користи Модриќ во средниот ред.

Модриќ против Јорганџиите досега одиграл дури 40 натпревари, а обично се радувал во најважните. Првата Лига на шампиони ја освои токму против Атлетико во 2014 година.

Новите двомечи во елитното натпреварување на двата лути градски ривали ќе се одиграат во текот на следните девет дена, а првиот е на програмата во вторник кога Реал ќе биде домаќин.

Пред овој натпревар пристигна многу вознемирувачка вест за Модриќ, но и за целиот Реал откако искусниот везист ќе мора да игра со внимание, ако не сака да заработи суспензија.

Од оваа сезона Лигата на шампионите се игра во различен формат. Првиот дел на натпреварувањето е во лигашки формат, а воведена е и дополнителна рунда во нокаут фазата, односно плеј-оф за Лигата на шампионите.

Бројот на натпревари значајно е зголемен, додека правилото за бројот на картони не е променето и тоа сега претставува проблем за Реал и Модриќ особено ако се имаат предвид повредите.

Капитенот на Кралевите досега има два жолти картона, некако успеа да го помине двомечот со Манчестер Сити, но против Атлетико ќе биде поинаку бидејќи „војниците“ на Чоло Симеоне се многу вешти во провоцирање и груба игра.

Секое следно опоменување за Модриќ ќе значи и една натпревар суспензија па би можело да се случи да го пропушти реваншот на Ванда Метрополитано.

За да биде работата уште полоша, ако Реал го елиминира Атлетико и Модриќ не добие жолт картон, картоните ќе останат на сила бидејќи ќе бидат избришани само по натпреварите на четвртфиналето.

Освен Модриќ, играчите што стравуваат од суспензија во редовите на Кралевите се уште Камавинга, Чуамени и Рудигер, како и Ендрик па и самиот Анчелоти.

Двата лигашки дуели на мадридските ривали оваа сезона завршија со нерешен резултат, беше 1:1 во двата наврати. Јасен е тоа знак дека ќе биде многу драматично.

Анчелоти го користеше Модриќ на Ванда Метрополитано практично цел натпревар, играше дури 86 минути, додека на Бернабеу тоа беше значително помалку бидејќи го внесе во самиот финише на натпреварот.