Трио фудбалери сакаат само во Барселона, а меѓу нив е и – Влаховиќ

Барселона планира зимски и летни инвестиции, но финансиите и понатаму претставуваат главен проблем за реализација на трансферите.

Мундо Депортиво денес повторно пишува за играчите што ги посакува Барселона, но и дека сите тие сакаат само на „Камп Ноу“. Станува збор за – Душан Влаховиќ, Нико Шлотербек и Жоао Кансело.

За Влаховиќ веќе пишувавме, познато е дека станува слободен и поради тоа е интересен за Барселона, бидејќи се чини дека Роберт Левандовски ќе замине следното лето. Мундо Депортиво истакнува дека Влаховиќ ја преферира Барселона пред Баерн Минхен и Милан, и верува дека со Феран Торес би можел да се натпреварува за минутажа.

Нико Шлотербек е голема желба на Ханси Флик, исто така има понуди од бројни клубови, бидејќи на лето влегува во последната година од договорот, но најпосакувано би било Барселона. Германецот е свесен дека би можел да се наметне како прва опција на позицијата лев стопер, каде сега игра Џерар Мартин. Андреас Кристенсен повторно претрпе тешка повреда, Роналд Араухо е месец и пол надвор од стројот поради ментални проблеми, па за Барселона е приоритет засилување во одбраната.

За крај, тука е и Жоао Кансело, кој го повика Интер, но одговори дека ќе ја почека Барселона, која е негов приоритет. Кансело се наметнува како решение во ротацијата, а потенцијално може да влијае на тоа да Жил Кунде биде прераспределен во срцето на одбраната, што порано беше неговата природна позиција.