Тренерот на Севиља, Матиас Алмеида, доби суспензија од седум натпревари и нема да може да ја води својот тим.
Алмеида беше исклучен од натпреварот со Алавес, кој заврши со резултат 1:1, откако доби црвен картон.
До кога ќе дишеме отровен воздух!? | Уште еден поткаст
Аргентинецот остро протестираше во 85. минута против судијата Матиас Хесус, кој го испрати на трибините.
Во својот извештај, главниот судија ги образложи причините за својата одлука, а Дисциплинската комисија потоа ја разгледа ситуацијата и одлучи Алмеида да биде суспендиран на седум средби.
Се наведува дека Алмеида е казнет не само поради протести, туку и за несоодветно однесување, навредување и удирање на топката.
Севиља по оваа одлука ја истакна својата поддршка за тренерот преку официјално соопштение и најави дека ќе поднесе жалба и ќе преземе правни чекори.
Ако жалбата на Севиља не биде прифатена, Алмеида ќе се врати на клупата дури на 22 април во натпревар против Леванте.
Шпанските медиуми потенцираат дека ова е најголемата суспензија за еден тренер во Ла Лига.
Учество во игри на среќа е дозволено за лица со 18+ години. Играј одговорно!