Тренерот на Лудогорец, Руи Мота, по поразот од Шкендија во Скопје (2:1), најмногу вината ја насочи кон состојбата на тревникот на „Тодор Проески“.
Португалецот смета дека неговиот тим добро влегол во натпреварот и го отворил резултатот, но нерамниот и тежок терен не дозволил гостите да ја развијат својата препознатлива игра.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
„Теренот беше далеку од идеален и тоа се одрази врз нашата игра. Кога ја држевме топката предолго, Шкендија добиваше простор да тргне во брзи напади“, рече Мота.
Тој призна дека и покрај подготовките за вакви услови, неговите фудбалери пречесто губеле топки, што им овозможило на тетовчани да ја користат својата брзина и директните додавања. Сепак, нагласи дека теренот не може да биде алиби за неуспехот.
„Мораме да реагираме подобро и да имаме поголема сигурност во секој дел од играта“, додаде стратегот на Лудогорец.
Реваншот е закажан за следниот четврток во Разград, каде ќе се одлучува кој ќе игра во групната фаза од Лигата на Европа.
Учество во игри на среќа е дозволено за лица со 18+ години. Играј одговорно!