Toтенхем ќе плати 60 милиони евра за Јапонецот кој Барса и Реал не го сакаа?

Тотенхем повторно го сврте вниманието кон крилниот напаѓач на Реал Сосиедад, Такефуса Кубо, објави шпански Ас.

Кубо има откупна клаузула од 60.000.000 евра, и покрај тоа што оваа сума не претставува пречка за лондонскиот клуб, сè уште нема конкретни знаци дека се подготвува понуда.

Интерес за јапонскиот репрезентативец покажаа и Арсенал и Атлетико Мадрид, но мадридскиот тим не се подготвува да ја активира клаузулата, што може да биде во корист на Тотенхем.

Покрај Кубо, Спарсите го следат и Магнес Акилуза од Монако, бидејќи тренерот Томас Франк инсистира на доведување замена за Хунг Мин Сон.

Наводно, клубот сака и играч кој би можел да донесе комерцијални предности на азискиот пазар, а Кубо совршено се вклопува во таквите планови.

Јапонецот помина четири години во младинските категории на Барселона, а во сениорската кариера беше дел и од Реал Мадрид, но не доби вистинска шанса во ниту еден од двата големи шпански клуба.