Томас Милер сака на уникатен начин да се збогува со навивачите на Баерн

Легендарниот играч на Баерн Минхен, Томас Милер, по 25 години преданост кон баварскиот клуб го напушта тимот за да ја продолжи својата кариера во МЛС лигата, каде ќе ги брани боите на Ванкувер Вајткапс. Но, неговото збогување со Баерн ќе биде извонредно и величествено.

Милер подготви посебно изненадување за навивачите на Баерн, бидејќи во соработка со организацијата Nicolaidis Young Wings, на која долго време е посветен, ќе организира хуманитарна аукција каде ќе бидат изложени предмети од неговата богата кариера.

Љубителите на спортот и колекционерите ќе имаат можност да најдат уникатни предмети на аукцијата, како дресови што ги носел Милер на натпреварите, јаволници, како и некои од 710 рачно потпишани Adidas F50 копачки, специјално направени по повод неговиот рекорд за најмногу настапи за баварскиот тим.

Покрај споменатите, на аукцијата ќе бидат понудени и уникатни предмети како што е корнер-знамето од неговиот последен домашен натпревар, како и дрвена скулптура на Милер во природна големина. Скулптурата, која е висока 2,25 метри и тежи 180 килограми, е изработена од 200 години стар даб и претставува донација од еден од неговите спонзори.

Аукцијата не е ограничена само на спомени од Баерн. Фановите можат да лицитираат и за првиот дрес на Милер во Ванкувер Вајткапс со број 13, кој го држеше на потпишувањето на договорот, а е достапен дури и во оригиналниот пакет во кој бил испорачан.