Црн облак се спушти врз египетскиот фудбал откако беше објавено дека Мохамед Абу Ел Нагa, помеѓу фудбалерите познат како Бонга, почина на возраст од 36 години. Овој репрезентативен голман на Египет и член на клубот Вади Дегла, загуби во борбата со тешка болест на црниот дроб, откако помина неколку дена во кома.
Бонга беше хоспитализиран поради проблеми со дигестивниот систем, кои постепено прераснаа во сериозна црнодробна инсуфициенција и жутица.
Дејан Димовски: Скопје троши 700 литри вода дневно по жител | Уште еден поткаст ↓↓↓
И покрај интензивните напори на лекарите, неговата состојба драстично се влоши, и не беше возможно да му се спаси животот.
Египетската фудбалска федерација соопшти емотивно соопштение, изразувајќи длабока тага за загубата:
ينعي المهندس هاني أبو ريدة رئيس الاتحاد المصري لكرة القدم وأعضاء مجلس الإدارة والمدير التنفيذي والأجهزة الفنية للمنتخبات الوطنية والعاملين بالاتحاد محمد أبو النجا “بونجا” حارس مرمى منتخب المحليين ونادي وادي دجلة الذي وافته المنية سائلين المولى عز وجل أن يتغمده بواسع رحمته ويلهم… pic.twitter.com/x0bZyjkeXl
— EFA.eg (@EFA) August 2, 2025
“Плачеме за Мохамед Абу Ел Нагa Бонга, голманот на репрезентацијата и клубот Вади Дегла. Нека му подари Господ милост и нека му даде место во рајот”, пренесоа од федерацијата.
Бонга во минатата сезона беше клучен играч на Вади Дегла, настапувајќи 29 пати и придонесе за враќање на тимот во египетската Премиер лига по четиригодишна отсуства од елитното друштво.
Исто така, беше дел од египетската репрезентација во февруарските квалификации за Африканскиот куп на нации, што потврди дека е меѓу најдобрите голмани во земјата.
Учество во игри на среќа е дозволено за лица со 18+ години. Играј одговорно!