Eкипата на Струга славеше победа од 3-0 во првиот натпревар од третиот круг во ПМФЛ и тоа со 3-0 против Македонија Ѓорче Петров.
Работата домаќините ја завршија уште во првото полувреме кога ги постигнаа сите три погодоци. Резултатот беше отворен по само седум минути игра кога голманот Ристе Јанков лошо реагираше по еден не толку опасен удар, а Мемертиза Хамза се запиша во листата на стрелци за 1-0.
Street Workout Macedonia – Движење што гради сила, карактер и издржливост | Уште еден поткаст
Се играше 26-тата минута кога Бојку зголеми на 2-0, додека пред крајот на првиот дел Јевтовски ги постави конечните 3-0. Македонија Ѓорче Петров беше далеку од некакво враќање и во вториот дел, ретко се доближуваа до домашниот голман, па така Струга немаше проблеми да го зачува резултатот.
Струга така по првата победа минатиот викенд по враќањето од паузата, сега ја запиша и втората со што се доближи до два бода на Шкендија и пет на лидерот Вардар, сепак двете првопласирани екипи имаат и по еден натпревар помалку.
Учество во игри на среќа е дозволено за лица со 18+ години. Играј одговорно!