Додека сите зборуваат за импресивната сезона на Барселона и револуцијата на Реал Мадрид под водство на Чаби Алонсо, Атлетико Мадрид тивко го прави својот потег на фудбалскиот пазар.
Атлетико веќе ја надмина сумата од 150 милиони евра за нови засилувања ова лето, а тоа не е сè. Дополнителните бонуси што Атлетико Мадрид ќе треба да ги плати на клубовите ќе се реализираат во следните месеци и години.
Скопје троши вода како да има 1 милион жители! Каде е проблемот? ↓↓↓
Досега, најзначајните засилувања се Алекс Баена (42 милиони евра, Виљареал), Давид Ханко (26 милиони, Феенорд), Џони Кардозо (24 милиони, Бетис), Тијаго Алмада (21 милион, Ботафого), Матео Руџери (21 милион, Аталанта), Марк Пупил (16 милиони, Алмерија), а остануваат голманот Хуан Мусо и Клемен Ленгле по позајмиците.
Следното засилување ќе биде Енцо Мило, офанзивниот среден играч за врска од Штутгарт. Овој 23-годишен играч има клаузула за откуп од околу 20 милиони евра, која Атлетико наскоро ќе ја активира.
Со овие осум нови играчи, Диего Симеоне планира комплетна реконструкција на тимот, каде што сумата со бонуси ќе надмине 200 милиони евра.
Да потсетиме, од клубот заминаа неколку играчи како: На Цезар Аспиликуета и Аксел Витсел им истекоа договорите, додека Рајнилдо Мандава е продаден на Сандерленд, а договорот со Саул Нигез беше прекинат во заеднички договор. Заминаа и Артур Вермерен (Лајпциг), Родриго Рикелме (Бетис), Анхел Кореа (Тигрес) и Родриго Де Пол (Интер Мајами).
Учество во игри на среќа е дозволено за лица со 18+ години. Играј одговорно!