Не е лесно да пораснеш под светлата на рефлекторите, а уште е потешко кога си генерациски талент кој го следат милиони и кога секој твој чекор може да ја насочи кариерата во сосема друг правец.
Ламин Јамал, чудото од Ла Масија и моментално еден од најсветлите драгули на Барселона, уште како тинејџер ја предводеше Шпанија до титулата европски првак, и тоа како средношколец. Неговите потези веќе подолго време предизвикуваат внимание во светот на фудбалот.
Од семејна традиција до модерен бренд ↓↓↓
Но, она што многумина не го забележаа е импресивната физичка трансформација низ која помина за само две години.
Јамал се појави на сцената како слаб младич со магија во нозете, но денес изгледа сосема поинаку – атлетски изграден, со видливо развиена мускулатура, која повеќе не ја крие, туку со гордост ја истакнува.
Мнозина веруваат дека зад таа трансформација стои новиот тренер на Барселона – Ханси Флик. Неговиот тренерски стил веќе е познат по тоа што физичката подготвеност ја става во фокус, а слично се случи и со Леон Горецка во Баерн, иако тогаш Горецка беше нешто постар од Јамал.
Оваа промена не само што го прави Јамал посилен на теренот, туку дополнително ја зголемува неговата сериозност како еден од водечките млади играчи во светот.
Учество во игри на среќа е дозволено за лица со 18+ години. Играј одговорно!