Поранешниот репрезентативец на Србија во борење Зураб Датунашвили е во центарот на нов скандал и дефинитивно ќе му биде одземен олимпискиот медал кој во 2021 година го освои во Токио за Србија.
Борачот со потекло од Грузија, кој долго време настапуваше за Србија, неодамна е суспендиран на пет години поради допинг скандал. Антидопинг одделот на спортската арбитража (CAS ADD) одлучи дека борецот Зураби Датунашвили ќе биде суспендиран на пет години од спортот.
Патот на Македонија до СП 2026!? Никогаш не било полесно! ↓↓↓
Исто така, на Датунашвили му се одземени сите резултати постигнати по 27 мај 2021 година, вклучувајќи ги и Олимписките игри во Токио одржани во текот на летото 2021 година на кои освои бронзен медал.
CAS ADD официјално објави дека Датунашвили направил кршење на антидопинг правилата користејќи забранета метода на манипулација со примероци на урина.
Бидејќи Датунашвили го совлада хрватскиот борец Иван Хуклек во борбата за бронза, постојат големи шанси Хрватска накнадно да го добие олимпискиот медал, бидејќи тоа е пракса која Меѓународниот олимписки комитет ја признавал кога допинг скандали станувале јавни. .
Учество во игри на среќа е дозволено за лица со 18+ години. Играј одговорно!