Срамота на „Олд Трафорд“, Манчестер Јунајтед „прифатил“ понуда која што воопшто не ја добил

Екипата на Манчестер Јунајтед во последно време не успева ниту на теренот, ниту надвор од него.

Иако успеаа да го доведат Куња, Шешко и Мбеумо, има некои играчи од кои се сакаат да се ослободат на Олд Трафорд.

Еден од нив е Антони за кого повеќе нема место на Олд Трафорд и се очекуваше неговото заминување ова лето.

Бразилецот вториот дел од минатата сезона го помина на позајмица во Шпанија, конкретно во тимот на Реал Бетис и играше навистина одлично во овој тим.

Иако многумина очекуваа дека ќе има место за него во тимот на Манчестер Јунајтед откако ќе се врати од позајмица, Аморим одлучи да го исклучи.

Антони така не учествуваше во подготвителните натпревари на Манчестер Јунајтед, а дури не беше ни меѓу играчите за натпреварите во новата сезона.

Имајќи предвид дека до крајот на трансфер периодот има помалку од 72 часа, многумина помислија дека иднината на Антони е решена.

Голем број медиуми, пред се’ од Англија, повикувајќи се на извори од Манчестер Јунајтед објавија дека Антони ќе ја продолжи кариерата во Реал Бетис.

Пишуваа многумина дека тој денес ќе патува за Бетис каде ќе ги заврши сите лични услови и дека тимот предводен од клупата од Мануел Пелегрини ќе го откупи.

Шпанците се веќе претходно ова лето интересирале за Антони, но се повлекоа поради цената која ја постави Манчестер Јунајтед.

Сега, на завршницата од трансфер периодот, повторно се вратија во преговори, но ништо не е договорено како што тврдеа Англичаните.

Сепак, од Бетис синоќа јасно објавија дека никакви договори не се постигнати и дека повторно се повлекоа од преговорите.

Фото: Принтскрин