АРГЕНТИНА ја совлада Венецуела со 3:0 во квалификациите за Светското првенство, а Лионел Меси (38) запиша два погодоци во натпревар што беше најавен како негов последен во репрезентативниот дрес на домашен терен. Меси, по мечот во Буенос Аирес, беше видно емотивен и истакна дека отсекогаш сонувал за таков поздрав со домашната публика, објави ESPN.
Аргентинската ѕвезда се збогуваше во голем стил, постигнувајќи два погодоци, додека уште еден додаде Лаутаро Мартинез. На прашањето за учеството на Светското првенство кое следното лето ќе се одржи во САД, Мексико и Канада, Меси кратко одговори: “Ќе видиме”.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
“Толку многу емоции, толку многу искуства на ова поле. Секогаш е радост да се игра во Аргентина со нашиот народ. За години, уживаме во секој натпревар. Многу сум среќен; можноста да завршам на овој начин тука е нешто што отсекогаш го сонував. Денеска беше последниот меч за бодови овде”, изјави Меси.
Одлуката за Светското првенство сè уште не е донесена
Аргентина веќе го обезбеди пласманот на Светското првенство 2026-та година како водечка екипа во рангот на КОНМЕБОЛ. Иако Меси изрази желба да учествува, посочи дека во предстоените месеци ќе ја следи состојбата на своето тело за да донесе конечна одлука.
“Како што веќе кажав за Светското првенство, мислам дека нема да играм уште едно. Поради моите години, најлогично би било да не можам. Но, добро, речиси сме таму, така што сум возбуден и мотивиран. Секогаш велам, одам ден по ден, следејќи како се чувствувам. Кога се чувствувам добро, уживам, кога не, искрено, не ми е пријатно. Така што, ќе видиме. Немам донесено конечна одлука за Светското првенство”, заклучи тој.
Учество во игри на среќа е дозволено за лица со 18+ години. Играј одговорно!