Спектакл во Турција: Вака изгледаше натпревар од четврта лига! (Фото+Видео)

Импресивни сцени беа забележани во четвртата фудбалска лига во Турција, каде што навивачите на Бурсаспор поставија рекорд со присуство од 45.000.

Оваа посетеност е апсолутен рекорд за четвртиот ранг на натпреварувања во Турција и се случил на натпреварот против Борнове 1877. Натпреварот заврши со победа на домаќините со резултат 4:1.

Освен што приредија неверојатни сцени, навивачите после натпреварот имаа и големо славје бидејќи клубот обезбеди титула и враќање во третата лига на турскиот фудбал, што е само еден од чекорите во опоравувањето на некогашниот првак на Турција.

Да потсетиме, Бурсаспор во 2010 година беше првак на Турција и следната сезона го гледавме во Лигата на шампионите. Сепак, големи проблеми со финансиите и долговите ја запечатија судбината на клубот.

Клубот прво отпадна во втората лига во 2019 година, а потоа по три сезони отпадна и во третата лига. Неможноста да ги платат долговите на играчите доведе до забрана за носење засилувања, а клубот за прв пат отпадна во четвртата лига на 7 април 2024 година.

Сега започна опоравувањето. Инаку, стадионот на Бурсаспор, кој го носи името Ценитенјал Ататурк, е еден од најатрактивните во фудбалскиот свет.

#Бурсаспор трибините ја приредија шоуто ‘Џендере’! pic.twitter.com/3aEXvpZFB8

— Бурса Хакимијет (@b_hakimiyet) 20 април 2025

Стадионот беше изграден во периодот од 2010 до 2015 година и е познат по тоа што неговата екстериер содржи голема глава на крокодил прикачена на северниот крај на стадионот. Изработена е од бел и зелен политетрафлуороетилен.

Стадионот во повеќе наврати аплицираше за домаќинства на европски и светски првенства, а на крајот, последната понуда беше успешна. Стадионот во Бурса ќе биде еден од домаќините на Европското првенство во 2032 година, кое ќе се одржи во Турција и Италија.