Слот откри како го победил Атлетико: Мораш да го направиш тоа!

Ливерпул повторно мораше да постигне гол во последните минути за победа, а Арне Слот го коментираше и дебито на Александер Исак.

„Црвените“ на нивната прва средба во Лигата на шампионите го совладаа Атлетико Мадрид со 3:2, а тренерот од „Енфилд“, Арне Слот беше насмеан. Сепак, нагласи дека можело да биде и полесно:

„Ако сакате да победите екипа како Атлетико, кои се познати по нивниот неверојатен менталитет, мора да ги победите и со нивното оружје – а тоа е токму менталитетот“, рече Слот и продолжи:

„Мислам дека денеска повторно покажавме дека можеме да ги надминеме ментално. Но, верувам дека можевме да си ја олесниме задачата.“

На овој натпревар дебитираше за клубот и Александер Исак:

„Многу сум задоволен што можеше да започне денес. Затоа и не го користевме против Барнли. Беше одличен, а кога влезе Уго (Екити), исто така беше голем фактор“.