Тренерот на Селта Клаудио Хиралдес изјави дека навивачите на Барселона расно го навредувале фудбалерот на неговиот тим Илајш Мориба за време на вчерашниот натпревар во шпанското првенство.
Хиралдес изјави дека 22-годишниот Мориба, со потекло од Гвинеја, бил расно навредуван кога беше заменет во завршницата на натпреварот, кој Барселона после драма и гол од пенал во 98. минута го доби со 4:3 на својот терен.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
“Жално е што тоа и денес се случува во фудбалот“, изјави Хиралдес за новинарите.
Мориба помина низ школата за фудбал на Барселона пред да стигне до првиот тим. Потпиша за Лајпциг во 2021 година, откако германскиот клуб му понуди подобар договор, а од тогаш играше на позајмици во шпанската лига за Валенсија, Хетафе и Селта.
Шпанскиот фудбал има многу проблеми со расизмот, бидејќи често се случуваат инциденти во кои дел од навивачите ги навредуваат темнокожите фудбалери. Фото: Barcelona FC
Учество во игри на среќа е дозволено за лица со 18+ години. Играј одговорно!