Манчестер Сити го освои Карабао купот, откако убедливо победи со 2:0 во финалето против Арсенал.
„Граѓаните“ триумфираа по два гола постигнати само во рамките на четири минути од младиот Нико О’Рајли (60’, 64’), кои на крајот ги нокаутираа лондонците. Екипата на Микел Артета започна подобро во првите дваесет минути, кога можеше да поведе во натпреварот, но потоа целосно ја предаде иницијативата на својот противник.
Street Workout Macedonia – Движење што гради сила, карактер и издржливост | Уште еден поткаст
Играчите на Сити заиграа многу подобро, особено на почетокот на второто полувреме, кога го нанесоа нивниот двоен удар. Во последните минути повторно иницијативата ја презедоа играчите на Арсенал, но неколкуте пропусти ги чинеа скапо. Огромна грешка направи и Микел Артета, кој предолго го остави на теренот Пиеро Енкапије, кој уште од почетните минути имаше жолт картон, а токму преку неговата зона дојдоа двете центрирања за головите на Манчестер Сити.
Учество во игри на среќа е дозволено за лица со 18+ години. Играј одговорно!