Шпански новинар: Нема понуди за Винисиус. Ситуацијата е сложена

ИДНИНАТА на Винисиус Жуниор (25) во Реал Мадрид станува се понеизвесна, откако бразилскиот фудбалер се најде под критика од сопствените навивачи во последните две натпревари на Сантиаго Бернабеу. Иако можна дестинација е Саудиска Арабија, новинарот Едуардо Инда тврди дека сè уште нема официјална понуда на маса, пренесува Defensa Central.

И покрај претпоставките за интерес од Саудиска Арабија, Инда забележува дека не стигнала никаква понуда за Бразилецот. Нема интерес ни од други европски клубови, што дополнително ја усложнува ситуацијата и оставa отворена иднината на Винисиус.

Незадоволство со ефективноста

Главната причина за незадоволството кај навивачите лежи во перформансите на Винисиус оваа сезона, кои не ги исполнуваат очекувањата. Со постигнати пет голови и повеќе од три месеца без нов погодок, навивачите почнуваат да бидат фрустрирани, наведуваат шпанските медиуми.

Свиркањата кои ги добиваше за време на натпреварите против Севиља и Бетис, а кои се засилија при неговото заминување од теренот, се јасен знак дека ќе мора да пронајде начин да се врати во доброто светло на публиката, сметаат Шпанците.

Простување од Бернабеу или продажба

Ако не се подобри односот со навивачите, а прашањето со договорот не се реши, претседателот Флорентино Перес би можел да донесе одлука за продажба веќе следното лето. Винисиус има јасна задача: треба да ја подобри својата игра и повторно да ја заслужи поддршката на Бернабеу. Ако успее во тоа, и продолжувањето на договорот ќе стане многу реална опција, истакнува Defensa Central.

Претставниците на Винисиус не се задоволни од третманот што го добива играчот и наводно веќе размислуваат за можноста за негово заминување. Иако се спомнува дека понудите можат да се појават ако договорот не се продолжи до јануари 2027 година, Реал нема намерa да чека толку долго.

Ако не дојде до договор ова лето, по завршувањето на Светското првенство клубот ќе го стави Винисиус на продажба за да избегне негово заминување без надоместок, заклучува Defensa Central.