Еден од најдобрите десни бекови во светот, Трент Александер-Арнолд, вчера се повреди на почетокот од натпреварот меѓу Реал Мадрид и Марсеј, а денеска медицинскиот тим на Кралевите му соопшти на тренерот Чаби Алонсо непријатни вести.
Веќе во петтата минута од дуелот во Лигата на шампионите, принуден беше да го напушти теренот, држејќи се за левата нога. Наместо него, Алонсо го повика Дани Карвахал.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
Иако Реал ја обезбеди победата со 2:1, клубот остана без неговото ново засилување од Ливерпул барем шест недели.
Повредата на задната мускула, значи дека Александер-Арнолд ќе паузира минимум месец и половина.
Реал нема да може да смета на Англичанецот во наредните натпревари против Еспањол, Леванте, Атлетико Мадрид, Кајрат, Виљареал, Хетафе и Јувентус, а нема да биде достапен и за Ел Класико против Барселона на 26 октомври.
Неговото враќање на терените се очекува најрано на 2 ноември, кога во Ла Лига Реал го пречекува Валенсија.
Учество во игри на среќа е дозволено за лица со 18+ години. Играј одговорно!