Шок во Интер: Инзаги заминува веднаш по финалето во Лигата на шампионите?!

Симоне Инзаги заминува од Интер?

Медиумите од Италија најавуваат дека можеме да видиме сценарио како во 2010 година кога Жозе Муеињо по освојувањето на трофејот во ЛШ замина од Интер во Реал Мадрид.

Инзаги навододно добил богата понуда од Саудиска Арабија која тешко би ја одбил.

По заминувањето на Жесус, Ал Хилал се обидуваат да најдат нов стратег. “Сините бранови” имаат тим полн ѕвезди со играчи како Митровиќ, Сергеј, Малком и другите, но сепак останаа без трофеи во Лига на шампионите и во домашното првенство. Скоро се најавуваат нови големи имиња, вклучувајќи и тренерска фигура. Анчелоти профитираше со подобрена понуда од Бразил, а сега се насочени кон Инзаги.

Инзаги би добивал околу 20 милиони евра годишно нето – значително повеќе од досегашната негова плата во Интер која изнесува 6,5 милиони плус бонуси (пример, два милиони доколку освоат Скудето оваа или идна година). Инзаги има договор до 2026 година, но италијанските извори сугерираат дека преку посредници размислува да преговара и може да отпатува во Саудиска Арабија после финалето на Лига на шампионите.

Интер е во надеж дека тренерот ќе се спротивстави на понудата, но ова лето би можело да донесе големи промени на тренерските позиции кај најголемите италијански клубови.

Веќе започнаа шпекулации за тоа кој би можел да биде следниот тренер, а секое слободно име се поврзува со Интер. Некои како Конте, Гасперини или Алегри можеби ќе добијат нови клубови, но тоа нема да биде Интер.

Поврзани информации велат дека Марота ќе размислува за нов тренер само откако ќе добие потврда од Инзаги. Медиумите го предложија Фариоли, кој заминува од Ајакс, но и Де Зерби. Клубот ќе бара тррнер со слични идеи како Инзаги. Истото го направија и кога Конте замина и тоа се покажа успешно – два финалиња во Лига на шампионите и “Скудето” во последните три сезони.

Додека чекаме да се потврди, изгледа дека тренерот на Интер е сериозно заинтересиран за примамлива финансиска понуда во Саудиска Арабија…

Фото: Inter/X