Дефанзивниот играч за врска Дрилон Ислами и официјално е промовиран како ново засилување на Шкендија, која реализира еден од највпечатливите трансфери во актуелниот зимски преоден рок.
25-годишниот фудбалер доаѓа од редовите на романскиот Клуж, а во изминатиот период беше многу блиску до договор со косовскиот шампион Балкани. Сепак, преговорите меѓу двете страни не резултираа со конечен договор, по што трансферот не се реализираше.
Исхрана, повреди и тренинг – совети од доктор по спортска медицина | Уште еден поткаст
По пропаѓањето на таа опција, Шкендија експресно реагираше и влезе во конкретни разговори со Ислами, кои брзо вродија со плод. Клубот од Тетово го комплетираше трансферот, а дефанзивниот играч за врска стави потпис и се приклучи на новите соиграчи.
Ислами се очекува да биде едно од најзвучните имиња меѓу зимските засилувања на тетовчани и сериозно да го зголеми квалитетот и конкуренцијата во средниот ред. Во досегашната кариера настапуваше исклучиво во Косово, каде го носеше дресот на Приштина, Феризај и Дрита.
Учество во игри на среќа е дозволено за лица со 18+ години. Играј одговорно!