Шефот на Ла Лига „удри“ по Реал Мадрид:Тоа е клуб на „плачковци“!

Реал Мадрид е во центарот на контроверзиите последниве недели поради острите критики кон судењето во Ла Лига.

Клубот на почетокот од месецов испрати соопштение до Шпанската фудбалска федерација, а оттогаш следат нови жалби.

Претседателот на Ла Лига Хавиер Тебас, познат по своите отворени ставови, се осврна на обвинувањата од Мадрид во интервју за шпанскиот „АС“.

“Во последниве недели имавме многу судиски контроверзии, а Реал Мадрид ги користи своите канали и шират лажни приказни, поставувајќи го прашањето на целиот фудбал. Тоа е агресивна и манипулирана приказна. Познавам многу навивачи на Реал кои не се согласуваат со ставот на клубот. Тоа е клуб на плачковци кои плачат цел ден. Плачеа овој викенд, ќе плачат и следниот викенд, а за сè е виновна голема завера”, изјави Тебас.