Шчесни како никој друг голман на Барселона уште од 2003 година!

Полскиот голман Војчех Шчесни синоќа имаше натпревар од соништата во победата на Барселона со резултат 1:0 против Бенфика во првиот натпревар од осминафиналето на Лигата на шампиони.

Иако победничкиот гол го постигна Рафиња, навивачите на Барселона и фудбалскиот свет го слават голманот на Каталонците кој маестрално ја издржа канонадата која стрелците на Бенфика ја пуштија спрема него.

Португалскиот клуб од 22. минута имаше еден играч повеќе откако на Барселона и беше исклучен стоперот Пау Кубарси, па Бенфика го опсипа голот на Шчесни со 26 удари, од кои осум беа во рамката на голот.

Bro forced Allison to move from Roma for more playing time, made Buffon to consider retirement, retired himself, came back from retirement to save Barcelona, and also still keeping an unbeaten streak for us

Wojciech Szczesny 👏 pic.twitter.com/bCGK7GM0Cv

— Sage (@Sage_FCB) March 6, 2025

Меѓутоа, Полјакот беше непобедлив и ги одбрани сите, а неколку одбрани постигна по удари од непосредна близина.

Тоа беше рекорд за бројот на одбранети удари од голман на Барселона во Лигата на шампиони од 2003 година, како што објавија статистичарите.

7 – Wojciech Szczesny 🇵🇱 has made eight saves against #Benfica, a record for any @FCBarcelona goalkeeper without conceding a goal in a single @ChampionsLeague game since at least the 2003/04 season. Bolt. pic.twitter.com/uDj4YWVTY9

— OptaJose (@OptaJose) March 5, 2025

Да потсетиме, Шчесни сосема неочекувано стана голман на Барселона која практично го извлече од пензија откако се повреди првиот чувар на мрежата Марк-Андре тер Штеген.

За дебито на Барселона чекаше дури три месеци, до јануари оваа година, а два месеци подоцна е херој на Барселона која со него на голот е на прагот на четвртфиналето на Лигата на шампиони.