Серафимов кариерата ја продолжува во Бугарија, денеска треба да го комплетира трансферот!

Македонскиот репрезентативец Никола Серафимов е на чекор до нова авантура во кариерата, откако според пишувањата на бугарските медиуми, ќе го облече дресот на Левски Софија.

Очекувањата се дека 23-годишниот стопер денеска ќе ги заврши медицинските тестови, по што и официјално ќе биде претставен како ново засилување на еден од најтрофејните клубови во Бугарија.

Серафимов во редовите на „сините“ доаѓа од унгарскиот Фехервар, а во минатото ги бранеше боите и на Залаегершег, Академија Пандев и Вардар, како и на Пелистер и Брегалница каде настапуваше како позајмен играч.