Сензација во Шпанија: Четвртолигаш го елиминираше Еспањол

Многумина од вас веројатно никогаш не слушнале за шпанскиот град Барбастро, кој има 17.000 жители и се наоѓа во провинцијата Уеска.

Вчера неговото име силно одекна во Шпанија благодарение на фудбалот, бидејќи Фудбалскиот клуб Барбастро го победи Еспањол како домаќин со 2:0 и се пласираше во шестнаесетфиналето на Купот на Кралот.

Вистинска сензација ја најави Андрес Барера, кој во 55. минута постигна гол од пенал, а потоа погоди и во 82. минута.

Барбастро инаку се натпреварува во четвртиот ранг на шпанскиот фудбал, а таму во втората група е на претпоследното 17-то место на табелата.

На Еспањол му останува да се бори за опстанок во најсилната лига на Шпанија во понатамошниот тек на сезоната, но ова е навистина удар од кој тешко се опоравува…