Се „тресе“ клупата: Гвардиола повеќе не е недопирлив и поради тоа сите го поставуваат истото прашање

Статистика која до вчера се чинеше незамисливо денес е сурова реалност. Манчестер Сити губи, Пеп Гвардиола бара одговори, а времето тече. 

Пеп Гвардиола во последните 12 месеци доживеа дури 15 порази на клупата на Манчестер Сити.

Тоа е најголем број на изгубени натпревари во кој било едногодишен период од неговата тренерска кариера.

Човекот кој со години го редефинираше модерниот фудбал, доминираше во лигите и ги кршеше ривалите, сега се соочува со бројки што не го поштедуваат.

За тренер на рангот на Пеп, оваа статистика не е само аларм – тоа е сирена за тревога.

Манчестер Сити повеќе не изгледа непобедлив. Исчезна онаа карактеристична контрола на натпреварите, сигурноста во посед и осетот дека е само прашање на време кога ќе падне противникот.

Навивачите на Манчестер Сити, навикнати на трофеи и доминација, првпат сериозно ја доведуваат во прашање иднината на својот тренер.

На социјалните мрежи сè повеќе коментари го поставуваат истото прашање – дали Пеп ја изгуби соблекувалната?

Во модерниот фудбал, тоа е момент од кој ретко кој се враќа. Особено ако со години си бил синоним за авторитет, дисциплина и јасна хиерархија.