Се тепаше со Рабио и сега ќе го избркаат од клубот!

Фудбалерот на Олимпик Марсеј Џонатан Роу ќе го напушти клубот по случувањата во петокот вечерта во соблекувалната на „Роазон парк”.

Без тензија и драма не може во Марсеј. Овој клуб низ историјата е исполнет со такви работи. Веќе на самиот почеток на сезоната, изгубија од Рен со гол во судиското продолжение, а потоа незадоволните играчи, откако се соочија лице в лице во соблекувалната, влегоа во конфликт.

Најпрвин, станува збор за Адриен Рабио и Џонатан Роу кои физички се судрија откако францускиот играч за врска му порача на Англичанецот дека не се потрудил доволно на теренот.

Првично се појавија информации за размена на зборови и жешки глави, но неколку дена подоцна локалните медиуми објавија дека дошло до физички судир и дека спортскиот директор Меди Бенатија заедно со Роберто де Зерби спречиле поголема тепачка.

Двајцата играчи се привремено исфрлени од првиот тим, а Џонатан Роу веќе ги пакува куферите. Крилниот напаѓач веројатно ќе оди во Италија. Го сака Болоња која веќе го повикала, се спомнува и Рома… Инаку, заинтересирани се и некои англиски клубови.

Марсеј би требало да добие 20.000.000 евра, иако е прашање дали ќе успеат да издејствуваат толку по претходните случувања.

Фото: Принтскрин