Се појави опција за Донарума: Може да стане соиграч со фудбалерот со кој ќе се степаше неодамна!

Вчера се пишуваше дека Луис Енрике донел конечна одлука: доколку остане оваа последна сезона, Донарума ќе биде резервен голман. Одлуката за некои можеби изгледа чудна, но индикациите се јасни: Енрике веќе наредил клубот да го ангажира Лук Шевалије, брилијантниот чувар на мрежата од Лил, за сума од 40 милиони евра.

Ова, секако, не значи дека Италијанецот веднаш ќе замине. Не му се брза, особено бидејќи тешко може да пронајде нова понуда која би му донела заработка од 10 милиони по сезона. Во преговори за нов договор и со планови за иднината, можно е следното лето да си оди како слободен агент, слично како што направи кога замина од Милан, што ќе му отвори повеќе можности за избор.

Можеби му е непријатно да седи на клупата, но неговата позиција во италијанската репрезентација останува недопирлива.

Но, ако одлучи да замине ова лето, какви можности се му отворени?

Манчестер Јунајтед беа спомнувани како опција, но таму мора да се решат некви играчи што не се повеќе во плановите на Аморим, како Антони, Санчо, Гарначо, Маласија, а веројатно и Хојлунд бидејќи Шешко е пред трансфер. Платите се значителни. За да го доведат Донарума, Јунајтед не само што треба да ја зголемат касата, туку и да се ослободат од овие високи пратечки трошоци. Плус, Онана има многу помала плата од Италијанецот, така што и продажбата на Африканецот би се покажала како неизвесна, без можност за значајно обештетување.

Сепак, тука е Челзи, кои секогаш имаат сите можности и би можеле да го купат Донарума.

Она што особено го задржува вниманието е дека некои играчи имаа тензичен момент со Џиџо по натпреварот со ПСЖ во финалето на Светското клупско првенство. “Сините” вреди да се спомене дека го изненадија актуелниот европски првак, сеќавате ли се на сцени и конфликт кој можеше сериозно да го загрози Жоао Педро, новиот адут на Челзи.

Јасно е дека тука нема лоши намери, но Донарума беше прилично вознемирен по натпреварот.

Иронично, неколку месеци подоцна, можеби ќе биде дел од соблекувалната на Челзи, клуб кој претходно го разлути.