Се подготвуваат промени во Манчестер јунајтед: Овие четворица сигурно заминуваат?

Најскоро и фудбалерите чии договори истекуваат на крајот од оваа сезона ќе можат безпроблемно да започнат разговори со други клубови.

Како се справуваат со ова во Манчестер Јунајтед?

Во клубот од „Олд Трафорд“ се очекуваат одредени промени во летниот трансфер период, а четиримина фудбалери сè уште не ги обновиле договорите кои им истекуваат.

Двајца се сосема сигурни за напуштање – тоа се Тајрел Маласија, кој не настапуваше многу во последните две и пол години во Манчестер, и Том Хитон, кој, најверојатно, планира да ја заврши својата кариера.

Најмногу се шпекулира за иднината на Каземиро и Хари Мегваер.

Мегваер го пронајде својот ритам кај Аморим, игра многу подобро од претходните сезони, и постои веројатност дека Манчестер Јунајтед ќе му понуди нов договор. Сепак, формална понуда сè уште нема, што отвора можноста Мегваер да размислува и за други опции.

Каземиро е играч во кого покажуваат огромен интерес клубовите од MЛС лигата и Саудиската Арабија. Отсуството на официјална понуда од Манчестер Јунајтед ја намалува можноста за негово останување и по завршувањето на оваа сезона.

Во случајот со Бразилецот, јасно е дека ќе биде тешко да му понудат финансиски пакет од 18.2 милиони фунти годишно, што предизвикува проблеми дури и за Манчестер Јунајтед. Кога ќе се додадат и бонусите, оваа сума станува крајно нефлексибилна.