Бразилецот Нејмар би можел да се врати во европскиот фудбал во јануари, откако ќе стане слободен играч и ќе има право без компензација да премине во нов клуб, пренесува Газета дело Спорт.
Како што се наведува, Нејмар беше понуден минатото лето на миланскиот Интер и Наполи, но договор не беше постигнат поради загриженост од двете екипи за неговата физичка подготвеност.
Претставникот на играчот Пини Захави разговарал со италијанските клубови уште во април и мај, но Бразилецот во тој период доживеа нова повреда на мускулите, што ги стопираше преговорите.
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
Интер беше фокусиран на завршницата на сезоната и планирање на тактичките промени, додека Наполи, иако тренерот Антонио Конте беше запознаен со можноста за трансфер, се откажа од истите причини – ризикот од нови повреди.
Нејмар ќе стане слободен играч на 31 декември и веќе од јануари ќе може да се приклучи на било кој клуб, вклучително и оние од Серија А, доколку има слободно место за играчите надвор од Европската унија.
Според наводите на Романо, односите помеѓу Захави и италијанските клубови останале “многу добри”, па се очекува Нејмар повторно да биде понуден на Интер, Наполи и уште некои европски екипи за време на зимскиот преоден период.
Триесет и тригодишниот фудбалер е одлучен со враќањe во натпреварувачки ритам да обезбеди место во репрезентацијата на Бразил за Светското првенство во 2026 година, кое ќе се одржи во САД, Мексико и Канада.
Учество во игри на среќа е дозволено за лица со 18+ години. Играј одговорно!