Чаби Алонсо од понеделникот повеќе не е тренер на Реал Мадрид. Тој беше сменет ден по поразот од 3:2 против Барселона во финалето на шпанскиот Суперкуп. Новиот тренер е Алваро Арбелоа (42). Од Чаби се простија на социјалните мрежи речиси сите играчи на Реал. Во статусите кои ги напишаа по тој повод, изразуваат почит кон Чаби и неговото знаење, како и жалење што нема да соработуваат повеќе.
Шпанските медиуми истакнуваат дека е индикација што само три играчи не се простија од сменетиот тренер. Тоа се Винисиус, Трент Александар-Арнолд и Франко Мастантуоно. За Бразилецот тоа беше очекувано, бидејќи пред два месеца поведе бунт против тренерот. Потоа тој и Чаби се обидоа да покажат дека го поправиле односот, но никој не им веруваше.
Спорт што не познава граници - Street Workout Macedonia | Уште еден поткаст
Александар-Арнолд беше доведен од Ливерпул како нов десен бек, но повредата го исфрли од тимот токму кога Алонсо почна да му дава шанси. Мастантуоно е млад (18) играч од средниот ред кој летово дојде од Ривер Плата за 45 милиони евра. Под водство на Чаби одигра 17 натпревари, од кои 10 како стартер.
Учество во игри на среќа е дозволено за лица со 18+ години. Играј одговорно!