Самарџиќ се сели во Рим

Лацио е заинтересиран за купување на српскиот репрезентативец Лазар Самарџиќ.

Како што известува познатата „Газета дело спорт“, Маурицио Сари сака да го засили тимот со средински играч, а меѓу главните мети е и српскиот фудбалер Лазар Самарџиќ. Самарџиќ оваа сезона има одиграно 18 натпревари во Лигата на шампионите, Серија А и Купот на Италија за Аталанта, постигнувајќи три голови и две асистенции.

-Сари го истакнал потпишувањето на квалитетен средишен играч како главен приоритет. Тренерот го сака Лофтус-Чик, но е тешко да се извлече од Милан, а неговата плата е превисока. Малку помалку комплицирано, и подеднакво привлечно за тренерот, е доведувањето на Самарџиќ од Аталанта. Клубот од Бергамо платил на Удинезе 20 милиони евра за него и, очигледно, нема да прифати понуди пониски од таа сума“, стои во текстот.