Салах многу брзо може да стане најплатен фудбалер во светот: Еве колку ќе заработува!

По девет години исполнети со трофеи и индивидуални признанија, на крајот на сезоната Мохамед Салах го напушта Ливерпул. Египетската ѕвезда, која за „Црвените“ постигна 255 погодоци и освои сè што можеше да се освои, минатата недела официјално го потврди неговото заминување. Ливерпул така се разделува од еден од најдобрите играчи во својата историја.

Иако има 33 години, Салах сè уште игра на врвно ниво, но реши да започне ново поглавје во својата кариера. Иако интерес за него имаа клубови од Италија и Германија, понудите од Саудиска Арабија финансиски ги надминаа сите останати. Според последните информации, преговорите со саудиските клубови влегле во финалната фаза, и изгледа дека Салах донел конечна одлука. Најблиску до неговиот потпис е Ал Итихад, кој последниве недели интензивно работеше на овој трансфер.

Се шпекулира дека клубот веќе почнал да го подготвува теренот за доаѓањето на египетската ѕвезда со расчистување на договорите на Нголо Канте и Карим Бензема, а се очекува и заминување на Муса Диаби.

Доколку се заклучи договорот, Салах би можел да стане еден од најплатените фудбалери на планетата. Италијанските медиуми откриваат детали од понудата на маса: „Во Ал Итихад се подготвени на секаква лудост само за да го убедат Момо Салах, најголемиот фудбалски амбасадор на муслиманскиот свет, со вистински чек“, се наведува во извештајот.

Според Yahoo Sports, станува збор за неверојатна понуда од 100 милиони евра годишно за двогодишен договор, што е околу 87 милиони фунти годишно, односно 1,67 милиони фунти неделно. За споредба, актуелниот договор на Салах во Ливерпул вреди малку повеќе од 20 милиони фунти годишно, што значи дека неговата плата би се зголемила повеќе од четирикратно.

Интересно е што саудиските клубови мислеа дека ќе треба да платат отштета од 50 до 100 милиони фунти за Салах. Сепак, Ливерпул се согласи на прекин на договорот една година порано без барање за надоместок. Салах минатата сезона склучи нов двегодишен договор вреден околу 400 илјади фунти неделно, но клубот реши да му додаде рака и да го овозможи трансферот од неговата кариера без финансиски пречки.