Рубен Аморим во епизодата „најлошиот меѓу најлошите“

Рубен Аморим веќе не е менаџер на Манчестер Јунајтед, а бројките покажуваат дека едноставно мораше да си замине.

Во “пост-Ферги” ерата, Аморим е буквално најлошиот тренер, имаше најмал процент на победи, така што разделбата беше неизбежна.

Бројките велат вака, според процентот на победи, Аморим е на последно место. Жозе Мурињо имаше 58,33% победи, втор е Ерик тен Хаг со 54,69%, веднаш по него е и Оле Гунар Солскјер со 54,17%, четврти е Дејвид Мојес со 52,94%, а петти Луј ван Гал со 52,43%.

Рубен Аморим имаше само 36,92% победи, што е огромна разлика споредено со сите пред него, кои имаа меѓу 52% и 58% победи.

Не треба ни да потсетуваме на тоа како се спушти Јунајтед откако Алекс Фергусон одлучи да се повлече во 2013 година.

Јунајтед до 2026 година ќе има именувано веќе седми менаџер од 2013, а тука не се бројат оние привремени како Рајан Гигс, Мајкл Керик, и сега – Дарен Флечер кој е во иста “преодна” улога.