Родриго на позајмица во Тотенхем?

Според британските и шпанските медиуми, Тотенхем е блиску до склучување на договор со Реал Мадрид за заем на Родриго.

Мадрид ја прифати понудата за заем со можност за откуп, а останува да се договори распределбата на платата и согласноста на играчот.

Клубовите постојано комуницираат за заемот со опција за откуп, а интерес за бразилецот претходно покажаа и Арсенал, Ливерпул и Манчестер Сити.

Намалената минутажа кај Чаби Алонсо ги отвори вратите за потенцијален трансфер. Со приближувањето на крајот на трансфер периодот, се очекува договорите да се забрзаат, а исходот ќе зависи од условите за заемот и одлуката на играчот.

Тотенхем би можел да го ангажира Родриго по пропаднатиот трансфер на Еберечи Езе, кој ќе замине во Арсенал.

Според податоците на Трансфермаркт, вредноста на Родриго е проценета на 90 милиони евра. Тој е репрезентативец на Бразил и има 24 години.