Рибакина е кралица на Мелбурн: Ја совлада Сабаленка по пресврт во третиот сет и го освои Австралија Опен

Руската тенисерка со казахстански пасош, Елена Рибакина, успеа да ја освои нејзината втора гренд слем титула откако денеска ја совлада Арина Сабаленка, најдобрата тенисерка во светот, во финалето на Австралија опен со резултат 6:4, 4:6 и 6:4.

Ова беше реприза на финалето од Мелбрун пред три години, кога Сабаленка ја победи Рибакина во финалето и ја освои првата титула на Австралија опен, а денеска имаше намера да стигне до третата.

Но, Рибакина ѝ ја ускрати таа можност. Го гледавме одличен меч, три сета и многу добри поени од двете страни.

Ова е втората гренд слем титула за неа, а претходно, во 2022 година, го освои Вимблдон. Од друга страна, Белорусинката останува со четири титули – по два пати беше победничка на Австралија опен и САД опен.