Реал ослабен гостува во Андалузија – може ли Бетис да го искористи тоа?

Фудбалерите на Реал Мадрид вечерва имаат пеколно гостување кај Бетис, а Карло Анчелоти не може да смета на неколку важни играчи.

Како што е познато, Џуд Белингем е суспендиран и ќе го пропушти и овој натпревар, а последни на листата на повредени се Феде Валверде и Дани Себаљос.

Што се однесува до Себаљос, веројатно ќе мора на подолг одмор, веројатно до мај, што е голем удар, бидејќи во последно време избори важно место во тимот.

Ако се земе предвид дека Дани Карвахал и Едер Милитао ја завршија сезоната поради тешки повреди, Реал е во голем проблем во овој клучен период од сезоната. 

Се очекува вечерва во средниот ред да играат Лука Модриќ, Орелиан Чуамени и Едуардо Камавинга, додека Лукас Васкез ќе биде на десниот бек. 

Добрата вест е дека Килијан Мбапе се враќа во тимот откако го прескокна патувањето во Сан Себастијан и ќе го предводи нападот со Винисиус Жуниор и Родриго.