Реал Мадрид направи план за зимскиот преоден рок

Актуелниот европски шампион Реал Мадрид, иако има застрашувачки силен тим, не игра баш најдобро оваа сезона.

„Кралскиот“ клуб кој летото се засили со доаѓањето на еден од најдобрите фудбалери на планетата, Килијан Мбапе, е втор на табелата на шпанската Ла Лига со еден бод помалку во однос на лидерот Атлетико Мадрид, додека во Лигата на шампионите на два кола пред крајот на групниот дел на натпреварувањето се наоѓа на 20. место со само девет освоени бодови, па сè уште нема обезбедено ни место во баражот на елитното натпреварување.

Сепак, Реал верува во постоечкиот играчки кадар, па одлучија да не излегуваат на пазарот за трансфери во јануарскиот преоден рок.

Се очекува искусниот Карло Анчелоти да ја доведе екипата во вистинска форма како што ќе напредува сезоната, а целта е да ги одбранат трофеите во Шпанија и Европа.