Реал изненаден од понудата за младиот талент, доволни беа добрите настапи против Сити

Во последниот пресврт на трансфер пазарот, Реал Мадрид стана главна тема благодарение на неочекувана понуда од Англија.

Според информациите што се појавија, еден англиски клуб испратил понуда во вредност од 15 милиони евра за младиот фудбалер Тиаго Питарч, кој оваа сезона е еден од најперспективните таленти во соблекувалната на мадридскиот тим.

Изненадувањето во шпанските медиуми беше големо, бидејќи оваа понуда е за играч кој има само 18 години и кој дури сега започнува својата патека во сениорскиот фудбал.

Клубот од Ла Лига сега се соочува со дилема: дали да го задржи младиот талент или да прифати значителна парична понуда за играч кој сè уште не е целосно потврден како првотимец.

Оваа понуда пристигна од Сандерленд, кој се натпреварува во Премиер лигата. Тие во моментов се наоѓаат на 13-то место во табелата и имаат низ исклучителни таленти во своите редови.

Питарч е роден во Фуенлабрада, Шпанија, и има богата младинска кариера преку академиите на Атлетико Мадрид, Хетафе и Леганес, пред да пристигне во “фабриката” на Реал Мадрид.

Неговo деби со првиот тим се случи оваа сезона, вклучувајќи и настап во Лигата на шампионите, каде беше еден од најмладите играчи во историјата на клубот што ја зголеми неговата пазарна вредност и вниманието од клубовите низ Европа.

Младиот ас на Реал блесна особено во првиот натпревар од осминафиналето на Лигата на шампионите против Манчестер Сити (3:0), а играше и во реваншот.

Досега сезонава има 26 настапи во сите натпреварувања за првиот, резервниот и вториот тим на Реал, со тоа што со првиот тим има одиграно три натпревари во Ла Лига и четири во Лигата на шампионите. Постигна два гола и асистираше два пати.

Питарч, кој веќе се проби и како член на младите репрезентативни селекции на Шпанија, има потенцијален меѓународен избор, благодарение на неговото потекло од Мароко, кое му овозможува да избере за која репрезентација ќе настапува во иднина.