Манчестер Сити извојува убедлив триумф во големото градско дерби, совладувајќи го Манчестер Јунајтед со 3:0 на „Итихад“ во рамки на четвртото коло од Премиер лигата. Со оваа победа „граѓаните“ уште еднаш потврдија дека моментално се далеку пред својот најголем ривал.
Натпреварот започна со агресивен пристап на Јунајтед, кој се обидуваше да создаде притисок и да ја загрози мрежата на домаќините, но одбраната на Сити и голманот Џанлуиџи Донарума не дозволија изненадување. Казната за промашените прилики набрзо стигна – во 18. минута Фил Фоден со прецизен удар го отвори резултатот и ја покрена еуфоријата на трибините.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
Во вториот дел, веднаш по започнувањето, Ерлинг Халанд ја удвои предноста на Сити со својот карактеристичен завршен удар. Тоа целосно го скрши ривалот, кој и покрај обидите за враќање во игра немаше сили да му парира на шампионот. Во завршницата, токму Халанд уште еднаш ја пронајде мрежата и со својот втор погодок ги постави конечните 3:0.
Фото: Facebook/Manchester City
Учество во игри на среќа е дозволено за лица со 18+ години. Играј одговорно!