Селекторот на албанската фудбалска репрезентација, Силвињо, го коментираше извлекувањето за Светското првенство 2026 и фактот дека Албанија и Србија ќе играат меѓусебно.
Заврши извлекувањето за квалификациите за Светското првенство, и Србија ќе игра против Англија, Албанија, Летонија и Андора. Силвињо ја коментираше групата во која ќе играат Албанија и Србија.
Александар Вучковски - сомелиер: Како македонските вина го освојуваат светот? ↓↓↓
„Знаеме каква е историјата од минатите дуели, но ние сме тука за да играме фудбал. Ние сме професионалци. Минатото е важно, но остана зад нас. Тука сме за да играме“, рече селекторот на Албанија.
Очекуваше тешка група.
„Очекував тешка група, како и сите останати. Секогаш кога ќе погледнете Холандија, Германија, Италија, станува збор за силни репрезентации. Бевме во третиот шешир, очекувавме силен противник од првите два. Не очекува брзо натпреварување“, рече Силвињо алудирајќи на фактот дека квалификациите ќе се одигруваат за само неколку месеци.
И поранешниот албански репрезентативец, Адријан Алиај, го најави дуелот со Србија.
„Србија не требаше да биде во нашата група, поради спортските и политичките причини. Малку сум поблиску до вас таму и можам да ви кажам дека мечот со Албанија не е обичен. Тоа е нешто надвор од фудбалот. Нема мир меѓу Албанците и Србите. Тоа е натпревар кој ќе биде многу напнат, ќе има омраза, тежок натпревар за играње. Што се однесува до фудбалот, Србите имаат квалитет да не’ победат и во Албанија и во Србија. Тоа е омраза, Србите сакаат да не’ победат“, рече Алиај.
Учество во игри на среќа е дозволено за лица со 18+ години. Играј одговорно!