Проблемите на Куртоа биле посериозни од што се мислело – го чека долга пауза!?

Белгискиот голман Тибо Куртоа се најде во незавидна ситуација во самиот финиш од сезоната, откако се соочи со два здравствени проблеми кои би можеле да го оддалечат од терените.

Според информациите на познатиот новинар Фабрицио Романо, Куртоа заработил повреда на мускулот на десниот квадрицепс, а воедно има и оптоварување на левиот адуктор, проблем кој го почувствувал уште при загревањето пред неговиот последен натпревар.

Во овој момент не е утврдено колку долго ќе трае неговото отсуство, но јасно е дека евентуалната пауза би претставувала сериозен удар за Реал Мадрид во клучниот дел од сезоната.