Проблем за Барса – Јамал се повреди, „Ел Класико“ под прашање!

Еден од најдобрите фудбалери на планетава, Ламин Јамал, поради повреда на грбот ќе мора да одмара три недели, соопшти Барселона.

Отсуството на 18-годишниот офанзивец доаѓа во критичен момент за „блауграна“, која на 26 октомври го очекува „Ел Класико“ против Реал Мадрид, а големо прашање е дали Јамал ќе биде подготвен за судирот со најголемиот ривал.

Тоа значи дека Јамал ќе ги пропушти следните репрезентативни обврски за европскиот шампион Шпанија, како и натпреварите против Севиља и Жирона во Примера, односно Олимпијакос во Лигата на шампионите.

Сега лекарскиот тим на Барса е на испит, бидејќи е потребно Џамал да биде подготвен за „Ел Класико“ на „Сантијаго Бернабеу“, а ако младиот фудбалер биде спремен за дуелот со Реал, шансите на Каталонците значително се зголемуваат.