Претседателот на фудбалскиот клуб Олимпик Марсеј, Пабло Лонгорија, е казнет со забрана за присуство на следните 15 натпревари во француската лига, откако неодамна упати критики поради судењето.
Поранешниот напаѓач на Марсеј, Фабрицио Раванели, сега советник на тој клуб, е суспендиран на три натпревари, пренесе агенцијата „Франс прес“.
Goblin Games - Индустријата за Board Games е во огромен подем! ↓↓↓
Тие се казнети поради изјавите по саботниот пораз на Марсеј на гостувањето кај Оксер (0:3), во натпреварот од 23. коло на француската лига.
Лонгорија по поразот на својот тим пред телевизиските камери зборуваше за судиска кражба и „корупција“. Во понеделник, во интервју за агенцијата Франс прес, изјави дека се извинува за кажаното.
Казната на Лонгорија стапува на сила веднаш и тој во следните 15 натпревари нема да може да врши официјална функција и да биде на клупата за резервни играчи, во соблекувалната на играчите и официјалните лица.
Учество во игри на среќа е дозволено за лица со 18+ години. Играј одговорно!